காற்று

காற்று நல்ல கரைப்பான்.
எத்தனையோ கோடானு கோடி வாரத்தைகளை அது கரைத்துள்ளது.

காற்று நல்ல மறைப்பான்
எத்தனை பேர் பேசிய வாரத்தைகளை மறைத்து வைத்திருக்கிறது.

காற்று உண்மையான சோஷலிஸ்ட்.
மதம், இனம்,சாதி, ஏழை,பணக்காரன் என்று பேதம் பார்க்காமல் அன்பாகத் தழவுகிறது.

காற்று கண்ணுக்குத் தெரியாத காலன்.
எத்தனை நோய்கள் பரப்புகிறது.

காற்று ஒரு அப்பாவி.
அதற்குத் தெரியாது எது செய்தி,எது வதந்தி என்று.

காற்று ஒரு நல்ல காவல்காரன்.
சூரிய ஒளியை சோதித்து புற ஊதாகதிர் களைந்தே அனுமதிக்கிறது.

காற்று ஒரு மாயக்காரன்.
ஒன்றுமில்லா வெளியை நீலநிறமாய் காட்டும் மாயக்கலை அறிந்தது.

காற்று நல்லதொரு பொறுமைசாலி.
குப்பைத் தொட்டியாக எண்ணி எத்தனை வாயுக்களை தினமும் அதில் கொட்டுகிறோம்.

காற்று நல்ல தேசாந்திரி.
எத்தனை நாடுகள் வழியே பயணம் செய்கிறது.

காற்று நல்லதொரு குரு.
மேகங்களை அழகாக வழி நடத்தி மழை பொழிய வைக்கிறது.

அங்கே காற்றடிக்கிறதென்றால் அதிர்ஷ்டம்.
அங்கே காற்றாடுகிறதென்றால் துரதிருஷ்டம்.

காற்றே உயிர்.

காற்றே இசை.

காற்றே வாழ்வு.

பஞ்ச பூத காற்றே வணங்குகிறேன்.